السبورت المصرى المجانى
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

السبورت المصرى المجانى

gem-flash
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» الإصدار الأخير من تعليق عصام الشوالي للعبة PES :
الأربعاء ديسمبر 23, 2015 4:29 pm من طرف القاطري

» جميع اعطال local mode/test mode فى برنامج واحد لعيون النتدى
الإثنين أكتوبر 28, 2013 5:29 pm من طرف نينسو

» حصرى : طريقه تفليش هواتف السونى اريكسون بكابل ال USB وبدون بوكسات
السبت مايو 04, 2013 1:45 pm من طرف anas854

» اسهل طريقة للربح من الانترنت بدون تعب
السبت مارس 23, 2013 1:34 pm من طرف hima fone

» برنامج جلب التعريفات من النت وتحديث الكروت
السبت ديسمبر 22, 2012 4:09 pm من طرف hima fone

» مشروع ارانب مفيد جداً
الثلاثاء نوفمبر 20, 2012 3:26 pm من طرف hima fone

» برنامج vista activation
الأربعاء سبتمبر 05, 2012 4:29 pm من طرف hima fone

» البرنامج الشهير shutdown timer
الأربعاء سبتمبر 05, 2012 4:27 pm من طرف hima fone

» لتحميل أحدث برنامج لمراقبة الشبكات netscan
الأربعاء سبتمبر 05, 2012 4:25 pm من طرف hima fone


widgeo.net

شاطر | 
 

 احلى نكته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hima fone
Admin
avatar

ذكر عدد المساهمات : 105
نقاط : 3198
تاريخ التسجيل : 21/01/2010
العمر : 27
الموقع : www.gem-flash.ibda3.org

مُساهمةموضوع: احلى نكته   الأحد يناير 24, 2010 8:16 pm

ان شاء الله ساقدم لكم هنا موسوعة من النكت

واتمنى ان تضحكم وتسعدكم وساتابع يوميا

لتكون موسوعة متجددة دائما واتمنى ان تنال

اعجابكم ويمكنكم المشاركة معى فهذا موضوع

للجميع لمن يحب ان يشارك بنكت جديدة


نبدأ على بركة الرحمــــن


واحـد قـال لابـوه بابا هو صحيــح الحـب اعمـى

رد ابـوه : بـص لامـك وانت تـعـرف .

مـسـطـول بيقـول
احـسـن خمـس اشـياء فـى الدنيـا
همـا ثـلاثـة :
النــوم , والاكــل !!

واحـد معـاه ارنـب وعايـز يعـرف هـو ذكـر ولا انـثـى ؟
سـآل واحـد مسطـول ؟رد المسطـول وقـال :
اتـركـه اذا هـرب فهـو ذكـر
واذا هـربـت فهـى انـثــى .

اثنين مسـاجيـن محكـوم عليهـم بالاعـدام
واحـد منـهم حـاقـد جـدا ,
يوم الاعـدام سآلوا الاول :
نـفـسـك فـى ايـه ؟ قـال نـفـسـى اشـوف امـى .
سآلوا الحاقـد , انـت نفسـك فـى ايه ؟
قـال : نفـسى صـاحبـى ما يشـوفـش امــه .

واحـد بيقـول لابـوه : مـدة رخـصـتـى انتهت ,
رد عليـه ابوه : من كتر دورانـك فـى الشـوارع .

مسـطول وقفتـه لـجنـة ,
قا لو ا لـه : اركـب البـوكـس
قالهـم: لا والله بيتنا قـريـب .

مـرة اثـنين اغـبيـه , عندهـم حصانين ,
فكانوا عايزين يعلموهـم علـشان
ما يتلغبطـوش بينـهم ,
الاول قطع اذن حصـانه وراح قـال للتانـى :
فالتانـى قالـه : اااه يخرب بيتك انا بردة عملت كـده ,
فالاول راح فقـع عيـن حـصانـه , وراح قـال للتانـى ,
فالتـانـى قـال : اااه يخرب بيتك انا بردة عملت كــده ,
فالاول قالـه:انت حتصدعنـى فـى دماغـى؟
خدانت الحـصان الاسـودوانا الحصـان الابيــض .

كمبيوتـر قال لكمبيوتـراية انتـى طالــق ,
قـالت : يالهوى ,,, والســى دى اللى فـى بطنــى .
اعمل فيه ايه؟
*****************
واحـد غـبـى حط ايده فـى جردل ميـة نار
فحـس ان صباع من اصابعه ناقـص ,
فحـط راسـه فـى الجردل علشــان يدور عليــه .
************
عـاد نبيـل من المدرســة,وصـاح :
ماما حصـلت علـى عشـر درجـات ,
قـالت فـى سـرور , انت ممتاز ,
وحصـلت عليهـا فـى اى مادة ,
رد نبيل : 2 فـى الحسـاب ,
4 فـى الامـلاء ,
و 3 فــى العلــوم ,
ودرجــة واحدة فــى التاريــخ .

واحـدة بتقـول لزوجهـا : ياريتـنـى جريـدة
علشـان اكـون فـى ايدك كـل يـوم ,
قال لـها : ياريتك نتيـجة اغيـرك كـل ســنــة .

إذاعـة الـراديـو :
واللاعـب بيـشـوط بمـشط رجـله
يااااه بتيجـى فـى المقـص ,
صـبـى الحـلاق : إلحـق يا معلـم بيلعبـوا فـى العـدة .

مره واحد مسطول بيقول لواحد صاحبه
اقولك سر. قال له: فى بير
قا ل له: سلفنى 10جنيه
قا ل له: ولا كئنى سمعت حاجه .

اتنين بيحبوا بعـض وبعض ما بيحبهومش .

سألوا واحد بخيل طحن: تعمل ايه لو الدنيا برد؟
قال: أروح جنب الدفاية.
قالو ا له: ولو الدنيا بردت أكتر؟
قال:أقرب من الدفاية.
قالوا له: ولو بردت أكتر؟
قال: ألزق في الدفاية.
قالوا له: طب ولو نزل تلج؟
قال: أشغل الدفاية بقى وأمري لله .

مسـطــول مشترك في مسابقة أسرع رسمة
رسم نقطة وقال:
هذا فيل جاي من بعيد .

واحد اتهموه بالذكاء .......... طلع براءه .

مره واحد مسطول رجع بيتهم متأخر،
اخته فتحت له قا ل لها:
كنت فين يافاجرة لحد دلوقتي .

واحد مسطول بيقول لصاحبه مش عارف يأ أخي
عود الكبريت ده ما بيولعش ليه؟
مع إنه لسه مولع من شوية.

صومالى ركبه عفريت العفريت مات من الجوع .

واحد ندل اشتغل في المطافى
عبا حنفيات الحريق بنزين .

مسـطــول بيتصل بالمطافى: إيه يا جماعة؟

إذا ماكانش فى حريقة ماحدش يشوفكوا.

قال بخيل لأبنائه : من ينجح منكم سأريه سيارة الأيس كريم.

بخيل واقف فى البلكونة... ابنه جاى من بعيد يقول له
بابا بابا بابا ... قاله:
يا ابن الكلب بابا واحده كفاية.

اشترى رجل بخيل ثلاث برتقالات، قطع الأولى فوجدها
متعفنة فرماها، قطع الثانية فوجدها متعفنة فرماها،
فأطفأ النور وقطع الثالثة وأكلها.

البخيل: حظي سيئ!!
الصديق: ولماذا ؟
البخيل: لأن الصيدلية التي بجوارنا
أعلنت عن تخفيضات وليس فينا أحد مريض.

تراهن بخيلان على من يبقى تحت الماء أكثر من الآخر
يدعوه للعشاء...
فلم يخرج أحد منهما حتى الآن.

فيه نقطة زرقا على الحيطة ايه هي ؟؟؟
نملة لابسة جينز

اسد وكلب اتفقوا ان كل واحد يضرب الثاني علي قفاه
بدأ الكلب وضرب
الاسد ولما جاء الدور علي الاسد الكلب جري
والاسد بيجري وراءه الاسد سال قرد
بيقرا الجريده مشفتش كلب جري من هنا رد القرد
وقال الكلب الي ضرب الاسد علي قفاه
غضب الاسد و قال الله يخرب بيوتهم
هي لحقت تنزل في الجرايد.

مهندس كمبيوتر، حلل دمه، طلعت فصيلته HP

كلب شوارع مر من جنب مخفر شرطة

شاف كلب بوليسي قال آخ لو كملت تعليمي

واحد سباك نفسه اتسدت غرقت الشقة

واحد قال لخطيبته أنتي لبن أنتي قشطة أنتي حليب
أو أقلك ؟ أنتي البقرة كلها

مره واحد فتح التلاجه شاف الجيلي بيرتعش
قال له متخافش حشرب ميه

واحد اتجوز واحدة اسمها نعمة باسها وش و ضهر.

مدير مدرسة عمل فرح وزع على المعازيم أرقام جلوس.

واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة.

واحد بلدياتنا نزل محطة مصر
لقى بتاع الأنابيب بيخبط عليها،
قال له افتحلي واحدة ساقعة لو سمحت.

مرة واحد توأم شاف أخوه قال له:
انت فين من الصبح يخرب شكلك
أمي خلتني أستحمى مرتين.

تلاتة بيحششوا حصل كبسة عليهم اتنين هربوا والتالت
استخبى في البوكس

مرة واحد عجلاتى قعد على قهوة طلب كاوتشينو

في واحد دلوع اوي, دخلوه اهله الجيش ,
سأله القائد : تعمل ايه لو قابلت العدو
... قال : ارمي السلاح في وشه و اقوله اكرهك اكرهك اكرهك

واحد راح الصيدلية وقال للدكتور : عايز لبن اطفال ..... الدكتور: اسمه ايه !؟
,,,,,, الراجل : اسمه اشرف

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له وديه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ،
النهاردة بقى هاوديه السينما

مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض

مرة مدرس بيسأل طالب : من اين ياتى البن ؟
رد : لااعرف فحب المدرس يسهلهاله قاله انتم بتجيبوا
البن منين؟ قاله من عند الجيران!!

مرة 3 تلاميذ اتأخروا عن الحصة الاولى ، و لما وصلوا المدرسة قالت لهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه،
فسألت الثالث وأنت كنت فين؟ قلها كنت دايس عليه!!

مدرس بيقول للتلاميذ اكتبوا ورايا ذهب محمد الي مصيف
بلطيم يوم الاربعاء فطالب سأله لو سمحت يا استاذ هي
الهمزة علي السطر ولا علي ألف، سكت المدرس شوية
وبعدين قاله خلاص يا ابني خليها الخميس

مرة واحد مجنون كان بيكتب جواب فدخل الدكتور عليه قاله بتعمل ايه قاله بكتب جواب لنفسي فراح الدكتور قاله بتكتب
فيه ايه فرد عليه المجنون يامجنون
هو لسة جالي عشان اعرف

مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك
وهو بياخد الدورى ... ردت المذيعة بسرعة لأ أجيبلك مامتك
أسهل

واحد اشتغل في السعوديه راعي غنم ..
رجع لبلاده سألوه أهله شو بتشتغل . ..
قال : بافسح المعيز

واحد ندل اشتغل في المطافى عبا حنفيات الحريق بنزين .

مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتنضرب .

ديك و فرخه معديين من قدام محل شاورما ..الديك بيقولها شوفى اللى بيحصل للى مبتسمعش كلام جوزها.

واحد أحول رمى يمين الطلاق على مراته ما جاش فيها .

واحد بيقول لمراته:
مش قولتلك تصحينى الساعة 6 قالت له:
معلش ياحبيبى اصل جيت اصحيك لقيتك نايم .

واحد سأل مسطــول ،بيسال صاحبه : أمك حية ؟
قال له: لا عقرب .. قال له : أقصد عايشة ؟
قال له: لا خديجة ! .

واحد يشتكي لصاحبته:
قال لها : يمكن ماكونش غني .. ولا عندي عربية
ولا فيلا ولا مزرعة ولا شركة ولا فلوس
زي محسن صاحبي ولكني أعشقك واحبك ..
فضمته ودمعت عيناها وقالت : إن كنت بتحبني بجد .....
عرفني على محسن

مره واحد بارد اوى ركب اوتوبيس لاقى واحدة حلوة اوى
قاعدة فى الاوتوبيس غمزلها غمزت له و ضحك لها
ضحكت له قالها انزلى المحطة اللى جاية نزلت
راح قاعد مكانها.

نكته ماشيه فى الشارع بتعيط ليه؟
واحد ضحك عليها. , ,

نكته محكوم عليها بالاعدام ليه؟
موتت واحد من الضحك . , ,

نكته بتمشى لوحدها ومحدش بيكلمها
او يسلم عليها ليه؟
نكته بايخة . , ,

نكته ضربت واحد قاعد على القهوه ليه؟
بيقول على نفسه ابن نكته ،
ولا هى امه ولا تعرفه .

مرة واحد ماشى ورا واحدة فى الشارع بيعاكسها

وبيقول لها :

الحلو وراه مشوار , قالت له : لا وراه حمار .

غبي مات ليه؟؟؟؟ نسى يتنفس .

سأل المدير مراقب الامتحانات
ليه طردت التلميذ من الامتحان ؟
ردالمعلم : كان يغش ..
شفتة يعد ضلوعة في مادة العلوم

كان مره واحد جزار راح يخطب
ابو العروسه قال له المهر خمسون الف جنيه
قال له الجزار ليه هوة الكيلو بكام

مرة واحدة ست بتقول لجارتها الحقيني يا أم محمد
بعت جوزي يجيبلي ملوخية راح مخبوط بأتوبيس ...
يالهوي وعملتي إية .. عملت بامية وامري لله

واحد مسافر خارج البلاد اتصل بيه ابوه وقاله تعالى فورا
ولما وصل سأله فى ايه ؟
قاله ادخل شوف امك واللى جارى لها
راح لأمه وسألها فى ايه قالتله ادخل
شوف اخوك واللى جراله دخل على اخوه
وجد ذقنه طويلة وحاله مش ولا بد
قاله فى ايه ياأخويا قا ل له :انت
سافرت واخدت ماكنة الحلاقة معااااك

مرة واحد قصير راح يشهد في قضية في المحكمة
فقال له القاضي قول "والله العظيم أقول الحق"
فحلف فسأله القاضي عن إسمه فقاله إسمي نخلة
فقاله القاضي هو من أولها حتكدب

واحد مليونير راح يحلق دفع 5جنية
الحلاق قالة ابنك بيدفع 20جنية
قالة ابنى ابوه مليونير اما انا ابويا فقير

دكتور سنان كان مصاحب شله و خلع منهم

مره واحد غبى قابل واحدة اجنبية
سالها : انتى منين؟
قالت له: وات ؟ what ?
قالها: اجدع ناس الوتاوته

كان في مسابقه بين واحد بلدياتنا وواحد امريكى
وواحد فرنسى المسابقه على اللى يدخل الغابه
ويجيب اكبر قطه
الامريكى دخل الغابه ورجع بعد عشر ساعات
وجاب قطه وزنها عشره كيلو
الفرنسى دخل الغابه ورجع بعد خمست عشر ساعه
وجاب قطه وزنها خمسة عشر كيلو
بلدياتنا دخل الغابه يوم اتنين تلاته اسبوع اسبوعين
لجنة التحكيم قلقوا عليه
نزلو الغابه يدوروا عليه لقوه جايب نمر
ورابطه في شجره وماسك عصايه وبيقوله :
هتنونو يعنى هتنونو .

واحد كريم تزوج وحدة كريمة ..
جابو ولد .. أعطوه للجيران

جندي كل ما يدخل المطبخ .. يضرب تحية للثلاجة
.. لـــيه؟؟
لأنها ماركة ( جنرال ) !!!
،،،،،،،،،،،،،،،،،،،،،
واحد ندل جيرانه خبطوا عليه بالليل وقالوله
ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربة مياه و نامى
،،،،،،،،،،،،،،،،،،
طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت
له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك
،،،،،،،،،،،،،،،،،
واحد مسطول ماشى فى الشارع لقى مزيعه بتقوله لو سمحت فين القمر قالها اهوه
قالتلو مبروك كسبت عشرين جنيه قالها فى واحد تانى هناك اهوه

في واحد غبي.. قال له الدكتورعندك سرطان المخ..
رد الغبى : ..الله واكبر منين جـانى المــخ.؟؟

واحدة بتقول لجوزها بعد ما نجح فى الانتخابات
هاتلى هدية غسالة بقى عشان انت مش حتبقى فاضى

واحد بخيل اوى متجوز واحدة بخيلة اوى فقالتله تيجى نعمل بيضتين النهارده قا ل لها ايه؟ انتى مجنونة قالت له: معلش المره دى بس فعشان هم مش بيطبخو ا حاطين البوتجاز فى البلكونه فهو واقف و ساند على صور البلكونه و بيتباهى
ادام الجيران ايده اتزحلقت ووقع من البلكونه و هو بيوقع
قال لمراته خليهم بيضه واحده باااااااااااااااااس ......

بخيل احترق بيته ..ارسل رسالة miscol للمطافى

فيه واحد شاف الساعه واحده اتكسف منها

دجاجه انتحرت قالت خلوا ماجي ينفعكم

فيه واحد بــلـع فوطة .... ريقه نشف

منشار عمل رجيم تحول الى سكين

أحول عايز يهرب من المدرسة دخل غرفة المدير

فية واحد نام متاخر ....... فاتة الحلم

مرة واحد شاف ساعة واقفة ...... جاب لها كرسي

بلديتنا قتل أبوة لانه سمع عن رحـلـة مجانية للأيتام

ايه وجه الشبه بين البطيخ و الشمام
....... الاتنين اجازه الحلاقين

البنت:الحق يا بابا اخويا شرب زجاجة الحبر !!
الاب:اتصرفي ..اكتبي بقلم رصاص $

مرة واحد غبى حب يعلي الراديو حط كرسي تحتيه

مرة واحد قال لابنه لو نجحت هجيبلك عجله
جه ابنه يوم النتيجه قال له: ابسط يا عم
وفرت لك حق العجله

فية نكتة ما دخلتش هذه الصفحة..... لــيه ؟
خايفة تضحكوا عليها

طلب معلم اللغه العربيه من التلاميذ ان يكتبوا
موضوعا إنشائيا في وصف مباراه كره القدم،
فاخذ الجميع يكتبون الا واحد،وعندما حان موعد
التسليم سارع الى كتابه جمله واحده تقول:
هطل المطر و تأجلت المباراه

المعلم:كنت اراك و انت تنقل اسئله الرياضيات
من زميلك
التلميذ:لكنني كنت انقل الاجوبه فقط يا استاذ

قال الاخ لاخيه الصغير:اذا اتصل بي صديقي
و انا في الخارج فقل له:انني غير موجود
فأجاب الصغير:واذا لم يتصل ماذا اقول له
قال الاب لابنه:كيف حالك مع الامتحانات
هل استعددت جيدا؟
اجاب الابن:هذا يعتمد ع مجهود زميلي
الذي يجلس بجواري

مره واحد بلدياتنا سمع انه في 100 واحد ماتوا فالحج , قال ربنا يستر وميكونش فيهم مسلمين .

وااااحد سوده اوي ركبها عفريت , حاولوا يطلعووه قالهم هو انا نفسي اطلع بس مش شاااااااااااايف !!

سواق تاكسي مسطول شاورتله واحده قالها رايحه فيين ؟ قالتله المهندسين .. قالها طب روحي بس متتاخرييش ,,,

مرة واحدة قالت لحبيبها البخيل
( اكلها معاك بدقة اعيش معاك فى جحر)
راح قال انتى ليه مادية قوى كدة يا حبيبتى

سأل الشرطي إمرأة تقود السيارة هل رأيت
إشارة المرور (قف)
فأجابته نعم فقال لها إذا لماذا لم
تتوقفي فأجابته
لأنه مكتوب عليها (قف) وليس (قفي) .

غبى حب واحدة تزوج إختها
علشان يشوفها كل يوم .

واحد غبي راح للدكتور قا ل له يادكتور أنا تعبان
وعندي سخونية وصداع وأنفلونزا..!!
الدكتور قالو أقلع عشان اكشف عليك ...
قالو الغبي انت مش مصدقني يادكتور؟!!

مرة حبيبين بتمشوا في الشارع..
الحبيبة بتقول لحبيبها:
حبيبي قولي كلمة توقف القلب..
قالها اخوكي وراكي!!

الاستاذ مين يعرف اسم حيوان يطير؟؟؟
الطالب:الفيل يا استاذ! الاستاذ: غلط يا ابني ايه الغباء ده ،
انت ابوك وين بشتغل؟؟ الطالب في المخابرات..
الاستاذ: الفيل ممكن يطير بس لو يشد حيله شوي!!!

سال المحقق الضحية :
هل تعتقد أن السائق صدمك بسوء نية ؟
الضحية : لا بل صدمني بالتاكسي.

مهندس زراعى ظبطوه بيبرسم مع الأرانب

واحد راح يشتري ساعة شافها
غالية اشترى خمس دقايق

واحد وكل محامي عض ايده

اثنان راحوا للبحر الأول عام و الثاني 6 اشهر

مضيفة طيارة بتسأل راكب ...
تحب انزل لك عشاء كامل ؟؟؟؟
رد عليها : ليه هو كامل مش حيتعشى
...........
مرة مدرس بيسأل تلميذ

المدرس: الثعلب يا حبيبى بيبض ولا بيولد

التلميذ: أصل التعلب ده يا استاذ مكار

وممكن يعمل أي حاجة

واحد هو وابنه مش عارفين ايه هو الاسنا سير ,
كل شوية يشوفوا الحيطة بتفتح و بتقفل ,المهم شافوا
ست عجوزرة دخلت جواه وداست على الزر
وطلعت بعد شوية نزل الاسنسير واتفتح خرجت منه
شابة جميلة ..فقال لابنه :روح هات امك هنا

مسطول بيسأل مسطول الساعه كام؟
قال له معرفش، قاله غريبه
أنا عندي معرفش إلا خمسه

غبى شاف أمه محروقه والنار طالعه منها
قا ل لها
منوره يا حاجه

مره واحد بلديتنا اشتغل فى الكويت بعد سنه
بعت لاهله فلوس ودسته جاتوه بعد اسبوع اهلوا
بعتوله جواب بيقولولوا اهلك يبسلموا عليك نفر نفر
وبيقلولك الصابون الى انت باعته بيوسخ الهدوم

مرة واحد بلدياتنا نام بالمقلوب
صحى لقى رجله معمصة

بيقولك مره واحده حامل ابنها بيقول لها:
ايه اللي في بطنك ده يا ماما ؟

قالتله: ده ابني وبحبه قوي

قالها: لما هو ابنك وبتحبيه اكلتيه ليه ؟

مره واحد بيقول لمراته اعملى حسابك هنتغدى بره

جه من الشغل لقاها حطه الاكل فى الشارع

اثنين بلديتنا قاعدين بيمصوا قصب لما حبوا
يقوموا ملقيوش الشوم بتاعهم

واحد حانوتي ربنا فتحها عليه و فتح محل فكهاني..
كل يوم في المحل يقعد ينادي :
المووووووز علينا حق !!!

ما الفرق بين المرسيدس والتعويرة؟
المرسيدس .... ألماني
والتعويرة ...... ألماني جداً

واحد حرامي قرر يتوب سرق شريطين لعمرو خالد

ما الفرق بين الزواج والكولونيا؟
الزواج .... قسمة ونصيب
الكولونيا .... قسمة والشبراويشي

واحد سكران سأل صاحبه:
ليـه بيحطوا الحليب على الشاي
فقال له صاحبه: علشان التفل يرضع.

نظرية مسطوول: العلم نور والنور كهربة
والكهربة خطر يبقى بنتعلم لية؟!

مرة واحد مسطول بيعلب كورة اخد الكورة
على صدره طلعها من منخيرة

صاحب شركة كادليز دخل فى قضيه
خرجوه بكافوله

· ثلاثة مساطيل قاعدين في سهرة
الأول : ‏أنا عندي فلوس أشتري بيها
أمريكا الشمالية
الثاني : ‏وأنا عندي فلوس أشتري بيها
أمريكا الشمالية و الجنوبية
الثالث : ‏و مين قال لكم إني راح أبيع

· واحدة سوده قوي ركبها عفريت
حاولوا يطلعوه
قالهم نفسي أطلع بس مش شايف

بلدياتنا جزمته اتقطعت خيطها
وبعد أسبوع لقاها كويسه فك الخياطه

همبورجر وبيبسى و بطاطس بيجروا فى الشارع
تفتكروا ليه؟
..... عشان وجبات سريعة

كسلان دخل الامتحان وقع منه القلم .‏سلم الورقة.

واحد زرع ورده........ ‏طلعتله ام كلثوم.

سكران ماسك الفرخة بتاعته..
قاعد يضرب فيها يضرب فيها
ويقولها: كل يوم بيض بيض مافيش جبنه!!

مرة واحد سأل صاحبه ايش
اسم رونالدو الشخصي
فقاله صالح...
قاله كيف عرفت...
قاله سمعت المعلق من شويه
بيقول مخالفة لصالح رونالدو

استاذ بيسأل الطالب ليه القلب بيدق
قال الطالب علشان المعدى بترقص

مرة واحد مسطول ماشي قدام مزرعه
لقى مكتوب عليها من بره ((مزرعة عجول))
دخل للبواب وقاله "يا عم انت
بتزرعوا العجول ازااااي ؟"
البواب شافه مسطول قال اراضيه بكلمه
علشان يمشي قاله "احنا بنرمي السكر
على الارض وتاني يوم بتطلع العجول."
روح المسطول البيت ورمى سكر على الارض
تاني يوم لقى النمل كتييييييير
على الارض قلهم "يا حلاوة العجول وهي صغيرة"

واحد محشش كان حيخبط واحدة بالعربية .
قالتله انت ماشفتنيش . قالها أيوه شفتك
بس مش فاكر فين؟؟

مره واحد مسطول قاعد بيتسطل مع مراته
لغايه ما نسيوا نفسهم وفجأه حد خبط عليهم
فقامت الزوجه وقالت جوزى فقام جوزها
ونط من الشباك؟؟؟؟؟؟؟؟؟؟؟؟؟؟

مسطول شاف نفسه في المرايا قال:
شفتك فين؟! فين؟! فين؟!

فيه مسطول سأل مسطول ايه اسم اخوانك
قال: كلهم محمد الا ناصر اسمه خالد

واحد دخل مطعم ... وطلب واحد مشوي ....
وواحد عصير ... وواحد رز ....

وواحد يدفع الحساب

اتنين مساطيل الاول بيقول :
هوا النهارده السبت والا الاحد
فرد عليه قاله: الاتنين
قال: يا سبحان الله الاتنين مره واحده

ثلاثة أخوات نايمين في غرفة
ومشغلين المروحة علي رقم خمسة...
دخل أبوهم بالعصا وقال يا كلاب
ثلاثة والمروحة على خمسة

واحد غبى اشتري كمبيوتر...
شال الماوس وحط جاموسة

بلدياتنا أول مرة يشوف واحد فلبيني
قال: يا بخته ده شبعان نوم

واحد بلدياتنا دخل جنينة الحيوانات
ودخل راسه في قفص الاسد،
الحارس جري عليه
قاله: انت بتعمل ايه،
قاله: فى ايه يابا يعني هناكله؟.

واحد شاف صاحبه مضايق
قاله مالك ؟ فيه ايه؟
قاله يا عم شيبسي ف حالى
قاله ليز؟
قاله ابويا كرانشي من البيت
قاله يا عم قلبظ دماغك

مرة واحد صعيدى بيدهن الحيطة....
قالوله طب حط جرنال تحتك...
قال لهم : لا مش مهم انا كده طايل

واحد بلدياتنا كان راكب الطيارة هو و ابنه
و كان في الطيارة عصام الحضري,
فالطيار قال احنا لازم نستغل فرصة
ان معانا عصام الحضري و نعمل مسابقة
نسلي بيها الركاب.
راحوا قايلين لبلدياتنا احنا حنفتح باب الطيارة
و حيقف الحضري عليه كأنه جون
و انت حترمي عليه ابنك , و ما تخفش ده احنا
معانا الحضري.
و وافق بلدياتنا و وقف الحضري
على باب الطيارة, و بلدياتنا مسك ابنه
و قام مهوش يمين قام الحضري ناطط يمين,
راح بلدياتنا رامي ابنه شمال

ذهب رجل إلى البحر فوجد فتاة تغرق وتطلب النجدة

فقال لها : اعطيني يديك فقالت اطلبها من أبي

مرة واحد ماشى مع خطيبته وآخر انسجام
فقالها "عارفة إيه هو الحب وإيه الجواز؟"
قالته "لا" قالها: "الحب زى النجوم الجميلة
اللي في السماء"
قالت له "طب والجواز؟" قالها:"دي البلاعة
اللي وإحنا بنبص على النجوم
بنقع فيها .."

واحد متجوز وقاعد في البيت وبيبص كتير
في عقد الزواج، مراته قالت له:
"بتبص في عقد الزواج ليه يا حبيبي؟"
قالها: "مش عارف يا حياتي
المأذون كتب تاريخ انتهاء العقد فين

واحد نشر في إعلانات مبوبة :مطلوب زوجة!!!
تاني يوم جاله 100 جواب
فيهم نفس الرد: تاخد بتاعتي؟؟

مرة واحدة قالت لجوزها "
إهدى حبيبى كدة وأرجع زى زمان"،
الراجل طلقها و رجع لأيام العذوبية

مدرس رياضيات اتجوز مدرسة رياضيات
خلفو ولد شبه منحرف
وبنت دايره على حل شعرها

واحد متجوز وقاعد في البيت وبيبص كتير
في عقد الزواج، مراته قالت له:
"بتبص في عقد الزواج ليه يا حبيبي؟"
قالها: "مش عارف يا حياتي
المأذون كتب تاريخ انتهاء العقد فين

- واحد مخنوق من نفسه اوووي , ودبانه عماله تلف حواليه راح ماسكها وقاطع جناحتها وقالها قضيها مشي بقي ..

- وحده بتقول لجوزها احنا لازم نمشي السواق الغبي ده كان هيموتني مرتين , راح قالها طيب نديله الفرصه التالته ..

- مره قرد بيبص فالمرايه لقي ودانه مقطوعه , قال يا خساره الحلو ميكملشي ,!!

- اتنين مساطيل بيحششوا فوق السطح وجنبهم ديك , لما صحي الديك الصبح قال كوكايين كوكايين ,ههههههه

- مره واحد عجلاتي قعد ع قهوه طلب واحد كواتشينو .....

مرة واحد غبى قطع تذكرتين فى الأوتوبيس ،
سأله اللى جنبه ليه قطعت تذكرتين ،
قال له عشان لو تذكرة ضاعت يبقى معايا واحدة تانية ،
قال له طب لو التانية ضاعت تعمل إيه ؟
قال له طب ما أنا معايا أبونيه

واحد اتجوز واحدة وبعد اربع شهور ونص مراته خلفت ولد

فسالها الواد دة جه ازاى واحنا متجوزين من اربع شهور ونص؟؟؟؟!!

قالت له انت متجوزنى من امتى؟؟؟

قال لها من اربع شهور ونص

قالت له انا متجوزاك من امتى

قال لها من 4 شهور ونص

قالته له كدة يبقوا تسعة .

فرد عليها ايوة كدة كنتى هتخلينى اشك فيكى

مره واحد كتب كتابه على الحيطه معرفش يطلقها

.. مرة كلب فقد الذاكرة ماشى فى الشارع بيقول :
صوصو...لا نونو.....لا ......... ؟؟؟؟؟؟؟

ندل قرصه حنش ضحك قال له :بتضحك ليه ؟
قال له : اصل انا عندى ايدز

حمار وحشى بيحرس كنز فالناس عملوا مسابقة
اللى يجيب الكنز هياخذ نصفه فراح واحد ؟؟؟
وامريكى ويابانى الامريكى دخل راح الحمار
ناطحه موته واليابانى نفس الكلام اما الواحد؟؟؟
دخل وخرج
بعد نصف ساعة شايل الكنز على كتفه
وجارر الحمار
فى ايده فالناس سالوه ازاى قدرت تجيب الكنز
قاللهم ابدا انا قعدت مع الحمار كلمة منه على
كلمة منى طلعنا بلديات

مره واحد غبى حب ينتحر من الدور العشرين
لقاه مقفول
نط من العاشر مرتين

بكرة نتقابل تانى

ونضحك ونكركر

والى ان نلتقى اتمنى لكم اسعد الاوقات
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gem-flash.ibda3.org
 
احلى نكته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
السبورت المصرى المجانى :: الأقسام العامه :: القسم الترفيهى-
انتقل الى: